மைக்ரோமேக்ஸ் க்யூ 66

இரண்டு சிம் இயக்கத்தில், 118 கிராம் எடையில் கிளாம் ஷெல் பார் வடிவமைப்பில் ஒரு பட்ஜெட் மொபைல் போனாக மைக்ரோமேக்ஸ் க்யூ 66 விற்பனைக்கு வந்துள்ளது. இதன் அதிக பட்ச விலை ரூ. 3,654. ஆயிரம் முகவரிகளைத் தாங்கும் அட்ரஸ் புக், 8 ஜிபி வரை மைக்ரோ எஸ்.டி. கார்ட் மூலம் நினைவகத் திறன் அதிகப்படுத்தும் வசதி,வீடியோ பதிவு மற்றும் இயக்கத் திறன் கொண்ட 2 மெகா பிக்ஸெல் கேமரா, எஸ்.எம்.எஸ்., எம்.எம்.எஸ்., இன்ஸ்டன்ட் மெசஞ்சர், இமெயில் என அனைத்து வசதிகளையும் கொண்டது. இதன் பரிமாணம் 71 x 71 x 18 மிமீ. எடை 118 கிராம். நான்கு மணி நேரம் தொடர்ந்து பேசும் திறன் தரும் பேட்டரி தரப்பட்டுள்ளது. இரண்டு அலைவரிசைகளில் இயங்குகிறது. திரை 6.1 செமீ அகலத்தில் QVGA டிஸ்பிளே திறன் கொண்டதாக உள்ளது. கைக்கு அடக்கமாக இரண்டு சிம் இயக்க மொபைல் வாங்கத் திட்டமிடுபவர்கள் இதனையும் எண்ணிப் பார்க்கலாம்.

Share